KTC UTAH

Miwa mung kata shanu nga ai Myu Wunpawng Sha ni gaw January (10) Jinghpaw Mung nhtoi shani Miwa Asuya hpye ninghkap n gun madun lai wa sai lam shiga na chye lu ai. Ya na zawn n gun madun ninghkap ai lam gaw Miwa Asuya kawn Jinghpaw Wunpawng Myusha ni hpe Myu Shamyit masing hte majan hpaw gasat shamyit nga ai myen hpyen asuya ni hpe garum shingtau la ai majaw hte yak hkak jam jau hkrum nga ai Wunpawng Myusha ni hpe garum madi shadaw ai lam n nga ai majaw re lam hpe na chye lu ai. Miwa Mung kata na Myusha ni gaw dai hpawt daw hta Ying Jang Mare kaba kaw n gun madun nna, mawdaw (60) jan hte Jinghpaw Mung Laiza mare hta jam jau hkrum nga ai Myusha ni hpe sa du gawan n gun jaw na matu du sa wa ai lam, n dai zawn du sa wa ai hpe Miwa asuya ni kawn Jinghpaw Mung kata de shang na matu hkang n jaw pat hkum nga ai lam hpe mung na chye lu ai.
Ya na zawn Miwa Mung kata na Myu Wunpawng Sha ni kawn "Pu Gang Sin Machyi" rai du sa wa ai ni hpe Laiza Mare na Buga masha ni (2,000) jan mung Laiza Mare kawn kabu gara hkap tau hkalum la nga ma ai lam na chye lu ai. Miwa Asuya ni pat hkum nga ai lapran kaw na Laiza de nga ai Myusha ni hpe n gun jaw marawn jahtawn nga ai lam ni hpe mung na chye lu ai. Shada n gun jaw marawn jahtau ai lam hta. "myit hkrum myitra let, myen tai hpyen ni hpe gasat shamyit kau ga!" Wunpawng Mungdan Lawt Lu U Ga!", "Wunpawng Mungdan lawan ngwi pyaw sim sa wa u ga!" ngu ai ni hpe jawm marawn jahtau nga ai lam hpe na chye lu ai.